गन्यापधुरा डडेल्धुरा । गन्यापधुरा गाउँपालिका ५ का ८० वर्षीय कृष्णदत्त ओझाको शव आज बिहान स्थानीय खोलामा फेला परेको छ।
गन्यापधुरा गाउँपालिका ५ का वडाध्यक्ष चन्द्रप्रसाद रोस्याराले ओझा नजिकै रहेको अर्को घर (खर्क) जाने क्रममा चिप्लिएर खोलामा खसेको हुन सक्ने बताए ।
गाउँनजिकै रहेको रेलखोलामा स्थानीयले उनको शव देखेपछि प्रहरीलाई खबर गरेका थिए । सूचना पाएलगत्तै प्रहरी बिहान ११ बजे घटनास्थल पुगेको डडेल्धुरा प्रहरीले जनाएको छ ।
घटनाबारे थप अनुसन्धान भइरहेकोले घटनाको विस्तृत विवरण आउन बाकी छ । मृत ओझाको शव पोस्टमार्टमका लागि डडेल्धुरा अस्पताल डडेल्धुरा ल्याइएको छ ।
08 Dec 2025, Monday
