प्रधानमन्त्रीलाई बहुविवाहसम्बन्धी विधेयक अध्यन गर्न सांसद शर्माको सुझाब

बिहीबारको प्रतिनिधिसभा बैठकमा बोल्दै सांसद शर्माले प्रधानमन्त्रीलाई मुलुकी अपराध संहिता २०७४ को दफा १७५ मा संशोधन विधेयकको बुँदा ३३ र थपिएको खण्ड 'क' राम्रोसँग अध्ययन गर्न सुझाव दिइन् । उनले उक्त खण्डले बहुविवाहलाई घुमाउरो रूपमा वैधता दिने व्यवस्था गरेको दाबी गरिन् ।

'प्रधानमन्त्रीले सरकारका उपलब्धि सुनेर अचम्म मान्नुभयो भन्नुभयो, तर विगतका मिथ्यांक र बहुविवाहसम्बन्धी कानुनबारे उहाँको अभिव्यक्तिबाट म साँच्चै अचम्मित भएँ,' उनले भनिन् । 'देशको प्रधानमन्त्रीले यस्ता विषयमा हल्का टिप्पणी गर्नु शोभनीय हुँदैन ।'