डडेल्धुरा । डडेल्धुरा कारागारमा आगजनी र तोडफोड गरी भागेका ८५ जना कैदीबन्दीमध्ये ७८ जनालाई प्रहरीले पक्राउ गरेको छ। भदौ २५ गते बिहान कैदीबन्दीहरूले आफ्ना सरसामानमा आगो लगाई कारागारको गेट तोडेर भागेका थिए।
फरार कैदीबन्दीहरूको खोजीका लागि नेपाली सेना, नेपाल प्रहरी र सशस्त्र प्रहरी बलको संयुक्त टोली परिचालन गरिएको थियो। कारागार प्रशासनका अनुसार, घटना हुँदा कारागारमा १२७ जना कैदीबन्दी थिए, जसमध्ये ८५ जना फरार भएका थिए।
नेपाल प्रहरीले आइतबार बिहान जारी गरेको प्रेस विज्ञप्तिअनुसार, अहिले कारागारमा कैदीबन्दीको संख्या १२० पुगेको छ। अझै फरार रहेका ७ जनाको खोजी जारी रहेको प्रहरीले जनाएको छ।
14 Sep 2025, Sunday
