डडेलधुरा। आलिताल गाउँपालिका उपाध्यक्ष मैना कुमारी रावल बोहराको व्यक्तिगत आर्थिक लगानीमा गाउँपालिका स्तरीय पुरुष क्रिकेट प्रतियोगिता हुने भएको छ।
विजया दशमी, शुभ दीपावली र छठ पर्वको अवसरमा आयोजित प्रतियोगिता आलिताल गाउँपालिका ८ मा रहेको घुम्ति खेल मैदानमा असोज २५ गतेदेखि सुरु भएको हो।
उपाध्यक्ष बोहराले खेलकुदमार्फत सामाजिक सद्भाव, समन्वय र एकता प्रवर्द्धन गर्ने उद्देश्य सहित खेलाडी र युवाप्रति प्रेरणा व्यक्त गर्दै सबै पक्षको सहयोग अपेक्षा गरेकी छन्।
प्रतियोगिताको विजेताले रु. २२,२२२/-, उपविजेताले रु. ११,१११/- नगदसहित ट्रफी र प्रमाणपत्र पाउनेछन्।
शुभकामना आदानप्रदान संगै खेलकुदलाई सामाजिक उत्तरदायित्वका रूपमा अघि बढाउने र आलिताललाई खेलकुदको हव बनाउने आफ्नो मुख्य उद्देश्य रहेको बोहराले बताइन ।
06 Oct 2025, Monday
